URulani ukugxeke kabukhali ukuxhaywa kwa-Onyango kumdlalo weligi

Umqeqeshi weMamelodi Sundowns uRulani Mokwena ugxeke inxenye yabalandeli beli qela abathukise omnye wabadlali babo kumdlalo wabo neSekhukhune United.

Isiganeko sokungxola kwabalandeli siphantse sagubungela imbali yokuphumelela kweSundowns ngo 2-1 kuSekhukhune kumdlalo weDStv Premiership ngoLwesibini ebusuku eLoftus Versfeld Stadium.

Ukuphumelela kuphawule inqanaba elibalulekileyo kwiSundowns, kodwa ukuziphatha kakubi kwabalandeli kube yeyona nto iphambili ekuthethwe ngayo.

UTashreeq Matthews kunye noThapelo Morena bebekujoliso lokuqinisekisa ukuba iSundowns iyalwandisa ixesha layo lokungabethwa kumdlalo weligi ukuya kutsho kwimidlalo engama-22 iphumelele kalishumi elinesixhenxe kunye nokudlala ngokulingana imidlalo emihlanu.

Ngokuphumelela, iiBrazilians zibe liqela lokuqala lePSL ukungabethwa kwimidlalo engama-22 yokuqala yeligi. Kwaye iSundowns, ihleli enkcochoyini kuluhlu lwelog, inamanqaku alishumi elinesithathu, ngoku iphumelele intshinga ezimbini ekukhuseleni intshinga yayo yeligi.

Nangona iSundowns iphumelele, umdlali wasemva uBrian Onyango ubuphantsi koqwalaselo kuba khange akwazi ukumelana noxinzelelo lomdlalo kwaye wenze iimpazamo ezimbalwa kulo mdlalo.

Ukutsala nzima kuka-Onyango ebaleni kuye kwatsala umdla kwiqela labadlali basekhaya. Oku kugxeka khange kumphathe kakuhle umqeqeshi uMokwena, ongene ngokukhawuleza ekhusela umdlali wakhe.

Kudliwanondlebe emva komdlalo, uMokwena ugxekile ukuziphatha kwabalandeli beqela, esithi sonke siyazenza iimpazamo kwimisebenzi yethu.

“Asinakuze siyibethe ngoyaba impatho enje. Akwamkelekanga kwaphela. Aba bafana bayapha kwaye ibhola ngumdlalo weempazamo,” utshilo uMokwena.

“Kwaye abanye babo baxwaxa uBrian Onyango ngempazamo zakhe, ukuba ungabalandela kwimisebenzi yabo uthi, ‘Ndifuna ukukuthulela usuku nje’. Ndivumele ndibone ukuba umsebenzi wakho uza kuwenza ngaphandle kwempazamo. Ndikholelwe, uya kuthatha iimpazamo ezininzi nakubomi babo bobuqu.

“Ke, njengabantu, kutheni sigxekwa xa sisenza iimpazamo? Ndenza iimpazamo ezininzi kunoBrian Onyango. Ndineempazamo kakhulu, kwaye ayihlekisi. Uyazi ukuba ndiyamthanda kwaye ndiyamxhasa, kwaye uyazi ukuba uwufumene umva wam nge-100% kuba ndiyazi ukuba naye uyandikhusela ngalo lonke ixesha. “

UMokwena uqhube wathi: “Yikuphela kwento endinokuyithetha. Abalandeli beSundowns bayayazi into emabayenze. Bendikhe ndayithetha le nto ngaphambili kwaye ndizakuphinda ndiyiphinde,  umthangala uyadiliki, uyawohloka kancinci kancinci. Siqala ukuthatha izinto ezincinci kancinci, siqale sizithathele phantsi iinzame zabadlali, siqale sizithathele phantsi iimpumelelo, kwaye iziphumo siqale sizithathe kancinci kuba sicinga ukuba sinelungelo lokuphumelela.

Owayesakuba ngumqeqeshi we-Orlando Pirates, uMokwena, uqhube wathi abalandeli bakhona ukuze baxhase, hayi ukubulala izimilo zabadlali.

“Ngoko ke, xa [abadlali] besenza iimpazamo, into yokuqala kukuba nam ndiyazenza iimpazamo; uqala apho kuba ukuba awuqali apho, uya kuswela uvelwano. Kodwa ukuba uqala apho uthi ndenza iimpazamo ezininzi ebomini bam, isiqalo luvelwano,” wongeze watsho.

“Kamsinya nje ukuba kukho uvelwano kuya kubakho inkxaso kunye nenkuthazo kuba uyazi ukuba kuvakala njani ukwenza impazamo nokugwetywa.

“Ke ngoko, uqala ngokuthi andifuni azive ngolo hlobo lo mntu kuba intliziyo yakho ilungile, emva koko uxhase kwaye ugqabhuke, ngumsebenzi wabaxhasi lowo. Yiyo loo nto bebizwa ngokuba ngabaxhasi. Bakhona ukuze bakuxhase, kwaye inkxaso ithetha ngamaxesha amnandi namabi, ndikufumene.”