IBloem Celtic ibuyile – ngokweendlela ezintathu

Igama elidumileyo iBloemfontein Celtic libuyile kwiBetway Premiership – kwaye liza nezinto ezininzi ezigwenxa!

Ngokwengxelo kaMarawa Scorpions usomashishini osemtsha waseFree State uthenge iwonga leSuperSport United Premiership ngeenjongo zokuvuselela iCeltic.

Kudizwa ukuba ukhuphe iR50 yezigidi zeerandi ngalo mdlalo kwaye uzakufudusela eli qela eBloemfontein apho eli qela lizakuthiya igama elitsha nelibizwa ngokuba yiCeltic United.

Ewe, i- Celtic ibuyile kwinqanaba eliphezulu – kodwa hayi ngale ndlela bebelindele ngayo abalandeli okanye bebeyinqwenela.

Ingxaki kukuba usomashishini othenge iSuperSport akanayo imvume yokusebenzisa igama elipheleleyo leBloemfontein Celtic.

Igama leBloemfontein Celtic liphethwe nguEddie Modise, olithenge kuMax Tshabalala ekuqaleni kwalo nyaka.

Kutshanje uModise udize ukuba uceba ukuvuselela eli qela lidumileyo — kodwa iqela lakhe liza kuqala kwiMotsepe Foundation Championship, hayi kwiPremiership.

Uthe ufuna inyukele kumanqanaba aphezulu ngokufanelekileyo kuba naye ufuna ukufunda kakuhle ngolawulo lwebhola.

Kodwa ngoku, kukho amaqela amathathu alwela iintliziyo zabalandeli abathembekileyo beCeltic abaziwa ngokuba yiSiwelele.

Kukho ooMarumo Gallants abazibiza ngokuba ngoSiwelele saMarumo. Eli qela liye eBloemfontein kwisizini ephelileyo.

Ngoku kukho iCeltic United entsha – iqela elitsha lePremiership elisekwe emva kokuthenga iwonga leSuperSport.

Kusekho iBloemfontein Celtic kaModise ezakuthi ekuhambeni kwexesha ibhengeze ngokusesikweni ukuba idlala kweliphi icandelo.

Lo izakuba ngumdlalo onika umdla wokuphumelela iintliziyo zabalandeli bebhola ekhatywayo baseFreyistata abaziwa ngokuzinikela kwabo okukhulu.

• FUNDA KWAKHONA:Akukho kuphumla kubadlali be Sundowns

IGallants lelinye lamaqela abenezihlwele ezindilisekileyo kwimidlalo yawo kwisizini edlulileyo, abalandeli benxibe imibala yeCeltic.

• SIFUMANE KUFACEBOOK;Imidlalo Yoluntu.facebook.com

Ngoku izakube ingquzulana namanye amaqela amabini izakuthatha iliso ukuba uninzi luwela kweliphi icala.