IStellenbosch FC kunye ne-University of Stellenbosch zisungule icandelo lebhola ekhatywayo yabasetyhini
I-Stellenbosch FC yenze imitsi emikhulu ekusekeni iqela lebhola ekhatywayo yabasetyhini njengoko ibhengeza ukuthatha inxaxheba kwayo kwiSasol Women’s League ka-2024.
Njengoko iqela laseKapa-Winelands liqhubeleka nokulwela indawo ukuze libeyingxalenye yamaqela azakudlala imidlalo yeCAF, ngoku ekwindawo yesibini, iStellies iphumeze eminye yemiqathango efunwa yiCAF ukuba ube neqela labasetyhini ukuze uthathe inxaxheba.
I-Stellies ibe liqela lamva nje lePremier Soccer League elingene kumdlalo wamanina emva kokuba lifumene iwonga leYunivesithi yaseStellenbosch, ekhuphisana eNtshona Koloni kudidi lwesibini lommandla.
“Undoqo kumbono weQela lethu kukwakha indlela ezinzileyo yebhola ekhatywayo kummandla kwaye ibe yintshatsheli yokuphuculwa koluntu,” utshilo uRob Benadie, iCEO yeStellenbosch Football Club, kwingxelo ekhutshwe ngoMgqibelo.
“Sifuna ukubona ababhinqileyo kwindawo esihlala kuyo benikwa amathuba afanayo nawamadoda okudlala nokukhuphisana kumanqanaba aphezulu ebhola ekhatywayo eMzantsi Afrika. Isigqibo sokuseka iqela labaseTyhini ecaleni kweDyunivesithi yaseStellenbosch linyathelo lamva nje lokufezekisa lo mbono kwaye lelinye elisivuyisayo ukubona ufezekiswa.
U-lhaam Groenewald, uMlawuli oyiNtloko weMaties Sport kwiYunivesithi yaseStellenbosch uyaqinisekisa ukuzibophelela kweYunivesithi ekuxhobiseni abasetyhini ngemidlalo, “Intsebenziswano neStellenbosch Football Club iphawula umzuzu obalulekileyo ekuqhubeleni phambili ibhola ekhatywayo yabasetyhini, nombhobho odibanisa imfundo nemidlalo.
“Sisonke, sizibophelele ekwakheni ilifa apho wonke umdlali achongiweyo ukuba ajoyine iklabhu, onke amanqaku afakiweyo, kwaye wonke umzuzu onamava uba linyathelo eliya phambili ekudaleni ilizwe elibandakanyayo nelinobulungisa kubafazi kunye namantombazana ebhola.
Umqeqeshi onamava uNathan Peskin uza kukhokela iStellenbosch FC Ladies Team kumdlalo wayo wokuqala kule mpelaveki xa ibambana neBadgers FC kumdlalo wokuvula kuStream B kwisizini yeSASOL League ka-2024.
