I-Orlando Pirates inika iKaizer Chiefs umdlali  wayo wasemva

IKaizer Chiefs inikwe ithuba lokutyikitya umdlali wasemva uThabiso Monyane, ophelelwa sisivumelwa ngqesho ne Orlando Pirates kule nyanga.


Kuyavakala ukuba u Thabiso Monyane akakhange abhale phantsi isivumelwano sengqesho esitsha namaBhakabhaka.


Kodwa akucaci nokuba oku kungenxa yokuba la maqela mabini akafumanani ngokwemiqathango yobuqu yokuba iPirates ikulungele na ukumkhulula lo mdlali.


Into eqokelelwe ngumsasazi woluntu, kukuba uMonyane unikwe ikaizer Chiefs njengesixhobo sasimahla.

UMonyane ubone imizuzu yakhe incipha kwisizini ka-2024/25 emva kokufika kukaDeano van Rooyen osuka kwiStellenbosch FC.


Owayesakuba ngumdlali welinye ilizwe naye akazange ancedwe kukwenzakala nangona ebethandwa kwiklabhu evela kwiziko lemfundo.

UMonyane wonyuselwe kwiqela elikhulu lePirates ngo-2019 kwaye ebevala phantse ikhulu lemidlalo yezigebenga zaseSoweto.


Kodwa ngoku kubonakala ngathi ixesha lakhe lingaphela njengoko kukholeleka ukuba inkampi yomdlali ibambe uthethathethwano neChiefs ukuze imzise eNaturena nge-1 kaJulayi njenge-arhente ekhululekileyo kwisizini ezayo.

UMonyane ulawule imidlalo elishumi elinesibini kuphela kwiphulo elisanda kuphela kwaye iPirates sele ithenge omnye osemtsha emva kuTshepho Mashiloane, logama isenoVan Rooyen noBandile Shandu.

• FUNDA KWAKHONA:IMamelodi Sundowns ibambelele komnye umdlali obalulekileyo

IChiefs kwelinye icala ithembele kuReeve Frosler noDillon Solomons kweso sikhundla noZitha Kwinika ovalayo.

• SIFUMANE KUFACEBOOK:Imidlalo Yoluntu.facebook.com

Kuseza kubonakala ngoku ukuba iiGlamour Boys ziza kugqabaza zithathe uMonyane kwiintshaba zabo.

 

Okanye iPirates iza kuphinda ithathele ingqalelo ize inike uMonyane isivumelwano esitsha phambi komhla wamashumi amathathu kuJuni.