Akukho nyawo lwemfene – umphathi weYanga
Umongameli weYoung Africans, uHersi Ally Said, uthi khange kubekho nyawo lwemfene xa ibhasi yeqela iba nengxaki emva kokufika e-OR Tambo phambi komdlalo weCAF Champions League neMamelodi Sundowns ngoLwesihlanu.
Eli qela laseTanzania lifike eRhawutini emva kwemini ngoLwesibini kwaye bamkelwa kakuhle nangona kunjalo isithuthi sabo safumana ingxaki xa bezakungena kuhola wendlela
Ethetha neMetro FM kwi-Sports Night Amplified no-Andile Ncube, u-Said uyikhabile nayiphi na imbono yokuba kukhona unyawo lwenkawu.
”Ukusuka kwisikhululo seenqwelomoya yonke into yayilungile. Siyayibulela iMamelodi Sundowns esiza nayo kunye nonozakuzaku waseTanzania eMzantsi Afrika, benze umsebenzi oncomekayo – yonke into ibilungiswa kungekho mxhelo.
” Ngokukhawuleza ukuba siphume kwisikhululo seenqwelo-moya yonke into yayilungile, kodwa emva kwemizuzu emihlanu xa siphuma kwisikhululo seenqwelomoya ibhasi yayinengxaki yezobuchwepheshe kwaye umqhubi wacela ukutsala kwisikhululo esisecaleni kwendlela, ” uchaze watsho.
Ukulibaziseka kuphange iYanga ixesha lokubuyisela emva kohambo olude oluvela eDar es Salam, kwaye oku kwakuyeyona nto ixhalabisayo kaSaid.
”Ingxaki kuphela kukuba, sihambe ekuseni-inqwelomoya ibiyintsimbi yesixhenxe ngentseni kwaye bekufanele ukuba sikwisikhululo seenqwelomoya malunga nentsimbi yesihlanu kwaye wonke umntu ebediniwe,” wongeze watsho u-Said.
IYanga iye yaqhagamshelana neSundowns ebaxelela ngokuqhawuka kwebhasi, kwaye uSaid ugxininisa ukuba iiBrazilians bezicaphukile kwaye zancedisa ekuzameni ukwenza amanye amalungiselelo.
”Kuye kwafuneka sinxibelelane neMamelodi Sundowns, nabo baphoxekile ngoba ibiyibhasi eqeshiweyo kwaye kwafuneka bajike ukuze bafumane umntu oza kuthatha abadlali bethu ePitoli,” uvale ngalo mazwi.
Iindwendwe zikholelwa ukuba akukho nyawo lwemfene kwaye ngoku amehlo wabo athe njo kumlenze wesibini eLoftus Stadium ngoLwesihlanu ebusuku.
