Umqeqeshi we Sundowns uyaluva uxinizelelo lokugxekwa ngabalandeli

Ngaphandle kokunganeliseki kubalandeli bakhe, umqeqeshi weMamelodi Sundowns uMiguel Cardoso usahleli edelela kwaye eyithembile indima yakhe kwiintshatsheli ezikhuselayo.

UCardoso unyamezele isiqalo esixubeneyo kwiphulo lika-2025/26 neMamelodi Sundowns.

Kwimpelaveki, iiBrazillians zikhutshwe kwiCarling Knockout Cup emva kokubethwa ngo’7-6 kumdlalo wepenela kwiMarumo Gallants kulandela isithuba esingangemizuzu eli-120 eLucas Moripe Stadium ngoMgqibelo.

Emva kokubethwa, amapolisa oMzantsi Afrika abizwe ukuba aqinise ukhuseleko njengoko abalandeli bezi ngxilimbela zaseTshwane bethe gqolo ukuthukisa umqeqeshi oyintloko noMlawuli wezeMidlalo, uFlemming Berg, befuna ukuba barhoxe kwindima yabo. Abalandeli abangonwabanga nabo babonwe bekhwaza abadlali.

UCardoso ngoku ungena kwikhefu lamazwe ngamazwe leFIFA ngoxinzelelo lokwenza ukuba icala lakhe liphumelele iziphumo ngokuthe rhoqo.

“Kucacile ukuba abalandeli bafuna ukuphumelela, abalandeli bafuna ukubhiyoza, kodwa kukho into enye ebalulekileyo ekufuneka wonke umntu ayiqonde.

Abadlali balwe kakhulu, silwe kakhulu namhlanje,” utshilo umqeqeshi oyintloko kwinkomfa yabezindaba emva komdlalo.

Ukusukela kwimpempe yomzuzu wokuqala kude kube sekupheleni, akukho mntu ungaphakathi ebaleni onikezelayo.

FUNDA KWAKHONA :IChiefs iza kuwuthathela amanyathelo umba ka Ntwari ohlaze eli qela

“Siyalwazi uxinzelelo, siyayazi into esiyimeleyo, yeyiphi imibala esiyimeleyo, sibe ngabokuqala ukwazi ukuba sifuna ukuphumelela.

SIFUMANE KUFACEBOOK :Imidlaloyoluntu.facebook.com

“Xa uthatha umdlalo usiya kwiipenalthi, izinto zingenzeka kumacala omabini,” uqhube watsho.