UMokwena wonwabeke ukubuya nenqaku kwidabi lasePitoli

Umqeqeshi oyintloko weMamelodi Sundowns, uRulani Mokwena, uvakalise ukoneliseka kwakhe ngokufumana inqaku kumdlalo kwodabi laseTshwane xa bequbisana neSuperSport United.

Ngaphandle kokukhokela kumdlalo wamashumi amathathu ngoTebogo Mokoena, iSundowns iye yangenelwa linqaku lokulinganisa kwimizuzu emithathu emva kokuba uBradley Grobler ehlohle elinye laMatsatsantsa.

Ezi ziphumo zitsho ukuba iSundowns iqhube imidlalo elishumi elinesibhozo ingabethwanga kule sizini njengoko ihamba phambili kuluhlu lweDstv Premiership ngamanqaku alishumi elinesibini.

“Ndiyabavuyela abadlali abangakhange banikwe ixesha elininzi lokudlala. Asinakukwazi ukuphumelela yonke imidlalo, akunjalo? Ndiyavuya mdifumene inqaku,” utshilo uRulani kwiSuperSport TV.

UMokwena uphinde wasichaza isigqibo sokubeka ebhentshini uPeter Shalulile noTashreeq Matthews kulo mdlalo. Uhlaselo lweSundowns lube nabadlali abathathu abatsha aquka uThembinkosi Lorch, uGaston Sirino noMatias Esquivel eLoftus Versfeld.

UMokwena ukwacacisile ngezigqibo zakhe zokwazisa abadlali abathile njengokuba uqhubeka umdlalo.

“UThapelo ebefanelwe yimizuzu embalwa. U-Mendieta uqhube kakuhle kakhulu kuqeqesho, ebekufanele afumane imizuzu ethile.

“UPeter, sizama ukumlawula. UTash (Matthews) uyasokola kancinci kuba kukho iRamadan. Besifuna ukumqala kodwa uyasokola kancinci ngenxa yokuzolela ukutya.

“Sambona xa efika kancinci. Kodwa kufuneka bazame, banike konke okusemandleni abo kwaye sonwabile ngomzamo wabo, ”wongeze watsho uMokwena.

Kule mpelaveki iSundowns iza kujolisa ingqalelo yayo kwiNedbank Cup apho iqubisana neMaritzburg United kuMjikelo weshumi elinesithandathu.