I-SAFA yamkela abaxhasi abatsha
UMbutho weBhola eKhatywayo waseMzantsi Afrika (i-SAFA) unovuyo ukwazisa ubambiswano olutsha ne-South African Airways (i-SAA) oluza kubona inqwelo-moya ibe ngumthuthi ngokusemthethweni wamaqela esizwe ebhola ekhatywayo aseMzantsi Afrika.
Ingqonyela yeSAFA uLydia Monyepao uthe intsebenziswano yeenyanga ezili-12 iza kudlala indima enkulu ekwenzeni amaqela esizwe aye kwindawo yawo kwimidlalo yamazwe ngamazwe.
“Siyakwamkela kwakhona u-SAA ukuze asincede sifikelele kwiindawo eziphambili ababhabhela kuzo ngokungakhethiyo,” utshilo umphathi we-SAFA.
“Kubalulekile kuthi njengeSAFA ukuba sithathele ingqalelo ezethu xa sithathela ingqalelo amahlakani, nangona oko kungexesha elifutshane.
Indlela yethu kukuzinzisa ubuhlakani bethu borhwebo namahlakani ohlukeneyo acutha isiseko seendleko zethu kananjalo songeze kwiingxowa zethu, ngoko ke i-SAA iya kudlala indima ebalulekileyo njengehlakani lobuchule kwimfuno yethu yokuhamba nokukhuphisana kumazwe ngamazwe rhoqo.”
Igosa eliyintloko lethutyana lakwa-SAA uNjingalwazi John Lamola uthe inkampani yeenqwelomoya iyazingca ngokuba ngabaxhasi abasemthethweni woMbutho, kuquka iBafana Bafana, iintshatsheli zase-Afrika, iBanyana Banyana, kunye namaqela esizwe amancinane.
“Kuyasivuyisa ukunxulumana namagama emidlalo yesizwe afana neBafana Bafana neBanyana Banyana. Oku kuqinisekisa ukuma kwethu ngokungenakuphikiswa njengothutho lwesizwe kunye nenkampani yeenqwelomoya esizikhethelayo kwizabelo ezibalulekileyo kwisizwe sethu,” utshilo uLamola.
“Siyawamkela amaqela ethu esizwe ebhodini, kwaye sijonge phambili ekuwakhweliseni ngenqwelomoya kwihlabathi jikelele kumsebenzi wesizwe wokumela isizwe sethu. Siyazi ukuba abadlali namagosa azakukhathalelwa kwaye azakukonwabela ububele bethu obuphumelele iimbasa eyaziwa ngabo iSAA.”
ULamola wongeze ngelithi intsebenziswano ye-SAA/SAFA ihambelana nezicwangciso zenkampani yeenqwelo moya zokukhula e-Afrika. Yimpumelelo ye-SAFA zombini kunye ne-SAA.
Amaqela esizwe azakubhabha aye ngqo kwiindawo asiya kuzo, enika abadlali ukuphumla nentuthuzelo abayifunayo ukuze badlale kakuhle ebaleni, ngelixa bebhentsisa uphawu lwe-SAA kwiimarike eziphambili zase-Afrika nakumabonakude kubabukeli abathanda ibhola ekhatywayo kweli lizwekazi.
“Sijonge ukuthwala aba badlali, kunye nethemba kunye namaphupha obuntshatsheli besizwe. Kuluyolo kunye nenyhweba yethu ukuba ngabathwali bamaqela ebhola ekhatywayo ngokusemthethweni.”
