ISundowns ityumbe uChrista Kgamphe-Jane njengentloko yebhola ekhatywayo yabasetyhini

IMamelodi Sundowns ibhengeze ukuchongwa kwentloko yebhola ekhatywayo yabasetyhini ukuba ijonge inkqubo yeqela lamantombazana.

Iqela  yonyaka yeCAF Women’s Club igqugqisile kwiSAFA Hollywoodbets Super League nakwilizwekazi. Baphumelele iligi yaBasetyhini iisizini ezine ukusukela oko yasekwayo ngo-2019.

NgoLwesibini, iqela libhengeze ngokufika kukaChrista Kgamphe-Jane. UKgamphe-Jane uphethe iilayisensi ezahlukeneyo zokuqeqesha ibhola ekhatywayo kunye nezatifiketi ezivela kwiSAFA neCAF.

Ukwayingcali yolawulo lwezemidlalo, umcebisi wezemidlalo kunye nomphathi wetalente. Ukwanazo nezidanga kwiSport Management, Business Administration, Marketing and Sport Management.

“Kwisikhundla sakhe esitsha, uChrista uza kudlala indima ebalulekileyo ekuyileni nasekusebenziseni isicwangciso esibanzi senkqubo yebhola ekhatywayo yabasetyhini, eyidibanisa neqhinga lebhola ekhatywayo elibanzi, umbono kunye neenjongo,” kutsho iqela.

“Uza kubonelela ngobunkokeli obuqinileyo kunye nesikhokelo kubaqeqeshi, abadlali kunye nabasebenzi kwiqela, ekhuthaza inkcubeko yokugqwesa, ubandakanyo kunye nobungcali.”

UKgamphe-Jane uthi uthathe umceli mngeni omtsha ukwandisa umbono weqela.

“Ukuthatha eli thuba kuthetha ukuba ibhola ekhatywayo yabasetyhini iMamelodi Sundowns iza kunikwa iqonga kunye nenkxaso ukuze iqhubele phambili ngelixa ndikwintloko,” uxelele i-website yeqela.

“Iqela lifune umntu oneziqinisekiso eziyeleleneyo, amava amaninzi kunye nomnqweno wokukhulisa umdlalo. Iqela sele liqhuba kakuhle ebaleni kwaye eli lithuba lokudala ezinye iindlela ezisebenzayo kunye nokugcina esele ikhona ngaphakathi kwesakhiwo sonke seli qela elikhulu.

“Ndilapha ukukhulisa umbono weqela. Ndiye ndaboniswa kwiinkqubo zebhola ekhatywayo zasekhaya nezamazwe ngamazwe kwaye la mava aya kuba luncedo kule ndima.”