Imvula yamanqaku eMabhida iPirates ingcwaba AmaZulu
I-Orlando Pirates izibekisele indawo kumdlalo owandulela owamagqibela kankqoyi weNedbank Cup emva kokuba ibethe AmaZulu ngo 4-2 emdlalweni obuseMoses Mabhida Stadium ngorhatya ngoMgqibelo.
Iqela lasekhaya belidlala phambi kwebala belizele ngabalandeli likhokhele kwangethuba uHendrick Ekstein efaka elo nqaku.ll
UTaariq Fielies ugwetyelwe ukuba udlale kakubi uMakhehleni Makhaula kanye ngaphakathi ebhokisini kwaye uPatrick Masangwanyi akazange enze mpazamo ngokwenza u 1-1 phambi kokuphela kwesiqingatha sokuqala.
Emva kwekhefu iPirates ithathe iintambo emva kwekhefu waze uKabelo Dlamini wavalela phakathi ifreekick eshiya uVeli Mothwa ebetha ngenqindi phantsi.
Kodwa olo khokelo aluzange luhlale ixesha elide njengoko kwimizuzu emihlanu kamva uFielies walungisa imicimbi ngentloko.
UMakhaula, nangona kunjalo, ubenezinye iinjongo wafaka inqaku lesithathu. Ibilinqaku lakhe lokuqala kwibhola ekhatywayo ukusukela ngo-2017, xa efake inqaku leFree State Stars bedlala neWits.
UMaswanganyi ufake igowuli lakhe lesibini kulo mdlalo efaka isikhwenkwane sokugqibela kuMaZulu.
IPirates ijoyine iMamelodi Sundowns neStellenbosch kumdlalo owandulela owamagqibela kankqoyi ngelixa iTS Galaxy izakudibana neChippa ukujonga iqela lokugqibela elizakungena kumaqela amane okugqibela.
