IChippa iza kwenza imali eninzi ngemidlalo yaseBuffalo City

IChippa United iza kufumana izigidi zemali ngokudlala imidlalo yayo eBuffalo City Stadium ukusukela kwisizini ezayo yeDStv Premiership.

Ngokwesivumelwano esitsha phakathi kweBuffalo City neChilli Boys, eli qela liza kufumana imali engaphaya kwamashumi amathathu ezigidi zeerandi (R30-million) ngokuzisa ibhola ekwinqanaba eliphezulu eMonti.

Esi sivumelwano seminyaka emithathu sithetha ukuba iChippa izakufumana iR1.2-million kumdlalo ngamnye (kwesixhenxe) eza kuthi iziswe eBuffalo City Stadium.

Ukongeza, iChilli Boys izakufumana imali eyiR3.5-million yeBCM eza kubhalwa kwiijezi zabo.

IChippa iqale ukudlala imidlalo yayo eMonti kumjikelo wesibini kwisizini ka’2015/2016.

Sele bedlale imidlalo emine eBuffalo City Stadium ukusukela ngoFebruwari walo nyaka.

Baza kuhlula-hlula imidlalo eminye izakudlalwa eMonti ukantu eminye idlalelwe eGqeberha,eNelson Mandela Bay Stadium.

IChilli Boys ifumana iR13.5 yezigidi zeerandi ngonyaka kumasipala waseNelson Mandela Bay.

Kuzakukhumbuleka ukuba umdlalo weligi iChippa ewudlale neKaizer Chiefs ubuseBuffalo City Stadium, apho iChilli Boys iphumelele ngo’2-0.

Umdlalo weNedbank iwuthathe yawusa eNelson Mandela Bay Stadium, nalapho ibethwe khona yi-Orlando Pirates kwimpelaveki edlulileyo.