IBafana itsalwe neBotswana,eSwatini kwakunye neMozambique kwimidlalo yeCosafa

Atsaliwe amaqela azakuqubisana kwi-2024 COSAFA Cup ngoLwesihlanu kwaye iBafana iyingxalenye yalomaqela.

Utsalo lwenzeke eRhawutini kwaye lwasasazwa ngqo kumakhasi onxibelelwano weCOSAFA.

Olu khuphiswano lubhiyozela unyaka wamashumi amabini anesithathu yasekwayo kwaye luza kuphinda lubanjwelwe eMzantsi Afrika ukususela ngoLwesithathu, umhla wama-26 kweyeSilimela ukuya kutsho ngeCawa, umhla wesi-7 kweyeKhala.

Umdlalo wonyaka ophelileyo ububanjelwe eKing Zwelithini Stadium, KwaZulu-Natal waze waphunyelelwa yiChipolopolo yaseZambia eyakhusela ngempumelelo intshinga eyayiphumelela ngo’2022.

Amazwe alishumi elinesibini azakuqubisana ebaleni, wonke ajonge ukuphumelela olu khuphiswano.

UMzantsi Afrika osindleke imidlalo, iintshatsheli zonyaka ophelileyo iZambia ne-Angola ibingamaqela ebesele ehlume.

Amaqela ohlulwe angamaqela amathathu anamacala amane, amaqela amathathu aphumelele amaqela, kwaye abo baphume kwindawo yesibini bayakuthi badlulele kumdlalo owandulela owamagqibela kankqoyi.

UMzantsi Afrika uphumelele i-COSAFA Cup izihlandlo ezihlanu, babekwe kuGroup A. Badityaniswe kunye namazwe asebumelwaneni iMozambique, iSwatini, neBotswana.

Kwamanye amaqela amabini, elona qela liphumelele indebe yeCOSAFA, iZambia, lihleli kuGroup B iza kuqubisana neComoros, Zimbabwe kunye nelinye iqela engekaqinisekiswa.

Okokugqibela, kuGroup C, kukho i-Angola, iNamibia, iLesotho kunye neSeychelles.

Amazwe amabini, iMadagascar neMauritius, awazukuthatha nxaxheba emva kokuba ekhethe ukungakhuphisani kwitumente ka-2024.