I-TUT igqibe nya ngokungabethwa kweCopperbelt kwimidlalo yeHollywoodbets Super League

I-TUT Matsatsantsa Ladies igqibe nya ngerekhodi leCopperbelt Ladies lokungabethwa kwiHollywoodbets Super League ngoMgqibelo njengoko eli qela lasePitoli liphumelele ngo 2-0.

UMamokgaase Senyatsi noSibongile Ntoane bafake amanqaku kwisiqingatha ngasinye xa i-TUT ifumana impumelelo yayo yesine kule sizini.

Amatsatsantsa athe ngcu emva kweqela laseLimpopo elikwindawo yesihlanu etafileni ngamanqaku alishumi elinesibini nomdlalo omnye esandleni.

IMamelodi Sundowns Ladies ibethe kabuhlungu iLindelani Ladies ngamanqaku asixhenxe eqandeni yaze yabuyela encilotsheni yeSuper Leahue ngamanqaku alishumi elinesihlanu.

UMiche Minnie ufake amanqaku amathathu hgelixa uBoitumelo Rabale efake amabini noSalpme Kekane ufumene  inqaku lakhe.

I-University of Pretoria (Tuks) ibuyele kwindawo yesibini emva kokuphumelela kwayo ngo 3-2 kwiCity Lads ekhaya. Ngoku iiTuks zibambene neSundowns ngamanqaku alishumi elinesihlanu, zombini kumdlalo zidlale imidlalo emithandathu.

Kwenye indawo Univeristy of Johannesburg (UJ), eye kukhefu lamazwe ngamazwe ikwindawo ephezulu, ilahlele amanqaku idlala ne-University of the WesternCape(UWC) kumabala emidlalo e-UJ eSoweto. Iindwendwe zikhokele ngepenela  kaSibulelle Holweni kodwa i-Orange Army yafumana inqaku lokulinganisa izinto ngoGugu Dhlamini. Nangona kunjalo, ngukapteni weBlues uBongeka Gamade ofumene ogowuli eliphumelilese eli qela laseNtshona Koloni.

Iziphumo zithetha ukuba i-UJ yehle yaya kwindawo yesithathu kwilog ngamanqaku ali-13 kwimidlalo esixhenxe ngelixa i-UWC inyukele kwindawo yesibhozo ngamanqaku ali-11 kwimidlalo emithandathu.

Ezinye iziphumo:

TS Galaxy Queens 1-1 Durban Ladies

Richmond United 1-1 JVW Girls FC

Thunderbirds Ladies 0-3 First Touch Academy

Royal AM 1-1 University of Fort Hare 

Emva kwemidlalo esixhenxe uluhlu lwamaqela lumi kanje.