Abanye abadlali ababini abatyikitywe yi KaizerChiefs

Ukongeza kubadlali abathathu abasatyikityweyo esele betyhiliwe, abanye ababini abatsha abasayiniweyo bafakwe umfanekiso kwindawo yoqeqesha ye Kaizer Chiefs eNaturena.

NgoLwesibini, Amakhosi abhengeze abadlali abathathu abatsha kwisizini ka-25/26 nanjengoko u-Ethan Chislett, uFlavio Silva noNkanyiso Shinga bonke bebhala phantsi kwiikhontrakthi zabo nezigebenga zaseSoweto.

IChiefs iqinisa iqela phambi kokhenketho lwazo oluya eNetherlands, umhla wokuhamba umiselwe uLwesihlanu.

Phambi kolu hambo, iChiefs ibisoloko inxulunyaniswa nokutyikitya kukaThabiso Monyane noPaseka Mako nangona oko bekungekaqinisekiswa liqela.

Oko kuye kwatshintsha ngenjikalanga yangoLwesithathu xa aba babini bevela ngokufutshane kwikliphu efakwe kwijelo likaYouTube le Kaizer Chiefs, ekukholelwa ukuba ishicilelwe kule veki.

UMako noMonyane kujongwe ukuba bakhethe ukungaphinde bazihlaziye iikhontrakthi zabo kwiPirates bekhangela ixesha lokudlala rhoqo.

Esi sibini siza kubhengezwa kungekudala sizakongeza amava abalulekileyo kukhuselo lweChiefs olufunyaniswe lungekho kutsha nje.

UMonyane uza kuqubisana noDillan Solomons kunye noReece Frosler endaweni ngasemva, ngelixa uMako eza kuqubisana noBradley Cross endaweni yasekhohlo.

FUNDA KWAKHONA Igqala u- Shalulile usengumdlali opheleleyo we Sundowns

Abadlali bakudala beBhakabhaka bazakube bekunye neKaizer Chiefs kukhenketho lwabo lwaseNetherlands.:

• SIFUMANE KUFACEBOOK:Imidlalo Yoluntu.facebook.com

Iqela laseDatshi, iFC Utrecht, liza kuba liqela lokuqala laMakhosi ngaphambi kokulungiselela isizini ngomhla we-11 kweyeKhala.