I-Pirates ijonge umdlali ophezulu, lonto izakumshiya phi uSaleng

I-Orlando Pirates sele ixakekile phambi kwefestile yesizini ezayo, kwaye kubonakala ngathi umdlali olandelayo emehlweni ayo nguPrince Ndlovu waseZimbabwe oneminyaka elishumi elinesithandathu.


“Yena (uNdlovu) waziqeqesha nePirates ngoMatshi ka-2023 kwaye ngelo xesha wayeneminyaka eli-16 kuphela ubudala.


“Kukholeleka ukuba ukusukela ngoko ii-scouts zePirates bezimjongile kwaye ngoku zizimisele ukumnika ithuba kwiqela.

Bahlala bemjongile kwaye bachukumisekile yinkqubela yakhe kwiHighlanders FC yaseBulawayo, eZimbabwe.”


Ikamva likaMonnapule Saleng kwi-Orlando Pirates kubonakala ngathi ligqithile kwinqanaba lokungabuyi emva kweenyanga ezintandathu ehleli ecaleni phakathi kweemfuno zomvuzo elaza iklabhu.

Iindaba zamva nje malunga nekamva lalo mdlali wasephikweni zikhomba ukufudukela kwiKaizer Chiefs, ekuvakala ukuba usayine nayo isivumelwano sangaphambili, nangona kunjalo, oku akukaqinisekiswa.

Igqala loSuthu uBenedict Vilakazi alilivumi eli nyathelo lomdlali oneminyaka engama-27 ubudala, lisithi, “Ingaba (uSaleng) luhlobo lomdlali onokudlalela iChiefs ngenene, ngendlela edlala ngayo? Andicingi njalo.”

Umzekelo, jonga (uGaston) uSirino [kwiKaizer Chiefs], akasenguye uSirino esasimazi kwiSundowns, ngenxa yohlobo lwabadlali abamngqongileyo.”


“Le nto yenzeka kuSirino ngoku, ikwafana neyenzeke kuKhama Billiat.


Le nto yenzeka kuKeagan Dolly kwaye ngoku iyenzeka kuSirino, awukwazi ukuba noSirino uwedwa kwaye ungabi nabanye abadlali abalungileyo abamngqongileyo.”

• FUNDA KWAKHONA:UJose Riveiro uhlomla ngamarhe okutshintshwa kwePirates

 

“Kucacile ukuba uzakuba nezinto ezininzi emagxeni akhe. Ngoko ke, ufuna inkxaso.

• SIFUMANE KUFACEBOOK:Imidlalo Yoluntu.facebook.com

Ngoko ke nokuba uSaleng uya kudlalela iKaizer Chiefs, uzakusokola njengoSirino esokola, kuba akukho ngundoqo kwiChiefs owomeleleyo, othi xa kungena wonke umntu (angene) njengeepuzzle. Ezo pazzles kwiChiefs zithe saa.”