Abadlali be Chiefs abaye banengxaki yesisu phambi kweSimba

Umqeqeshi weKaizer Chiefs, uKhalil Ben Youssef, udize ukuba kukho ingxaki esiswini kubadlali abaninzi baMakhosi phambi komdlalo weCaf Confederation.

Amakhosi adlale ntanganye ngaphandle kwegowuli elinye ne-AS Simba eLubumbashi ngenjikalanga yangoMgqibelo.

“Abadlali abahlanu izolo bebenorhudo,” utshilo uBen Youssef kwiqela leendaba leqela.

“Yayiyimeko enzima kwaye asiqinisekanga ukuba baya kudlala na. Sivuyisana nabo – babengekho i-100%, kodwa balwela iqela.”

IKaizer Chiefs ilwele iimeko ezinzima kumdlalo ongemhle eTP Mazembe Stadium, nto leyo ebinyanzele ukuba itshintshe isimbo sayo.

“Ngemeko yebala kunye nobushushu, abadlali sibalungiselele le meko,” ucacise watsho.

“Awukwazi ukudlala ibhola edlulayo kulaa ndawo, sidlale iibhola ezinde njengabo.”

UBen Youssef uqinisekise ukuba abafana abancinci uMfundo Vilakazi noMduduzi Shabalala bangeniswe kwisiqingatha sesibini ngenxa yokunqongophala kwamalungiselelo emva komdlalo wehlabathi.

UVilakazi ubeneveki kuphela ezilolonga emva kweNdebe yeHlabathi yabangaphantsi kwe-20 eChile, kwaye uShabalala ebekwiBafana, besiceba ukubasebenzisa ekuhambeni kwexesha emdlalweni.”

FUNDA KWAKHONA :IYanga igxothe uFohloza, uNabi kuthwa makathathe iintambo

IChiefs ibuyele ekhaya kumdlalo weSiwelele ngoLwesithathu kumdlalo weBetway Premiership eFNB Stadium.

SIFUMANE KUFACEBOOK :Imidlaloyoluntu.facebook.com

Emva koko, bamkele iSimba kumdlalo wesibini ogqibeleleyo eDobsonville Stadium ngoMgqibelo.