I-semifinals ye Carling Knockout iya eKZN

Yomibini imidlalo ye-semi finals ye Carling Knockout iza kudlalwa eKwaZulu-Natal, njengoko amaqela amabini ephondo – iGolden Arrows kunye neRichards Bay – edibene ukuze adlalele ekhaya.

Le midlalo ye Carling Knockout iza kuqhubeka ngempelaveki ye-8 kunye neye-9 kaNovemba, kodwa iinkcukacha ezithe vetshe ziya kubhengezwa yiPSL emva kokubonisana namaqela.

IGolden Arrows iza kujongana neMarumo Gallants, ngelixa abachasi bayo basekuhlaleni, iRichards Bay, iza kujongana neOrlando Pirates.

IGallants ifikelele kwi-semi finals ngokuhlazisa iStellenbosch FC, iyibetha ngo 4-0 ngoLwesithathu ebusuku.

UNdabayithethwa Ndlondlo wayeliqhawe leqela laseFree State, efaka amanqaku amabini – elinye kwisiqingatha sokuqala nelinye kwisiqingatha sesibini.

UMonde Mpambaniso – owathatha indawo kaNdlondlo kwisiqingatha sesibini – waqhubeka apho wayeyeke khona, efaka igoli lesithathu.

Yayiligoli lethamsanqa njengoko umdlali wecala waseStellenbosch ezama ukususa ibhola kodwa yaphuma kuye yaya kumnatha.

U-Edgar Makana naye uphume ebhentshini waza wafumana igoli lesine emva nje kokungena, eqinisekisa ukuba badlulela kwi-semi-finals.

FUNDA KWAKHONA :Umlandeli wePirates onomsindo ugxeka isimo sengqondo sika Chaine

Imihla, iindawo, kunye namaxesha emidlalo ye-semi-finals ziya kuqinisekiswa yi-PSL kamva.

SIFUMANE KUFACEBOOK:Imidlaloyoluntu.facebook.com

Umdlalo ulandela lo: IGolden Arrows v Marumo Gallants; IRichards bay v Orlando Pirates