Atsaliwe amaqela alishumi elinesithandathu wokugqibela kwiNedbank

Atsaliwe amaqela wokugqibela kumjikelo weshumi elinesithandathu weNedbank Cup. Itosi ibibanjelwe kumajelo osasazo weSupersport eRandburg namhlanje.

Ngelixa uninzi lwamaqela eDStv Premiership lufikelele kulomjikelo iKaizer Chiefs ikhutshiwe emva kokubethwa ngo 5-4 kukhatywa iipenalthi yohlulwa liqela elidlala kwiMotsepe Foundation Championshi, iMilford FC.

Kwangaxeshanye, iintshatsheli ezikhuselayo, i-Orlando Pirates zidlule lula zidlala neCrystal Lake zaphumelela ngo6-0 , kwaye iMamelodi Sundowns nayo yabeka ecaleni iLa Masia.

IMilford FC itsalwe neentshatsheli zeCarling Knockout Cup iStellenbosch FC, ngelixa iPirates neSundowns zombini zizakuqubisana namaqela adlala kwiMotsepe Foundation Championship.

Imidlalo seyiyonke

Milford FC vs Stellenbosch FC

Mamelodi Sundowns vs Maritzburg United

Chippa United vs FC Ravens

Sekhukhune Utd vs Amazulu FC

Orlando Pirates vs Hungry Lions

AmaTuks vs Moroka Swallows

Richards Bay vs Supersport United

D’General vs TS Galaxy