Andifuni ukuthetha ngezigqibo ezikhwinisayo zoosompempe – Riverio

Umqeqeshi we-Orlando Pirates uJose Riveiro uphawule ngosompempe nezigqibo ezikhwinisayo kumdlalo wabo neCape Town Spurs kumdlalo weDStv Premiership.

IPirates idlale ntanganye 1-1 neSpurs ngoLwesithathu e-Orlando Stadium. 

Ezimnyamna ngenkani zikhokhele kwangethuba ngomzuzu weshumi elinanye ngenqaku likaRelebohile Mofokeng. Iqela laseKapa lifumene inqaku lolulinganisa ngomzuzu wamashumi asixhenxe anesithandathu ngoGadiel Kamagi.

Kwimizuzu yokuvala lo mdlalo, ifolosi yePirates uZakhele Lepasa ubonakale edlalwa kakubi kwibhokisi. Nangona kunjalo, usompempe u-Eugene Mdluli uye wawangawangisa umdlalo ukuvimba eziMnyama ithuba lokufumana iphelanthi.

Kuye kwabakho ukujijisana ngamazwi phakathi komqeqeshi weSpurs u-Ernest Midderndop noRiverio wePirates.IPirates ibikhalela iphenalthi enganikezwanga.

“Andiqondi ukuba esi sisithuba sokuhlalutya indlela abaqhuba ngayo oosompempe. Andizange ndibabone oosompempe bezilolonga nathi evekini, ”utshilo uRiveiro xa ebuzwa ngendlela abaqhuba ngayo oosompempe.

“Abayonxalenye yeqela lethu, ndingathetha kuphela ngeqela lam kwaye ndingafumani zizathu malunga nezinye izinto.

“Ngomso, oosompempe abezi kuqeqesho lwethu; abazukuba nathi ngolwesihlanu. Ke yinto esingenako ukuyilawula. ”

IPirates ijonge ukuphumelela xa iqubisana neentshaba zayo iKaizer Chiefs kwidabi laseSoweto eFNB Stadium ngoMgqibelo.