Umqeqeshi weBucs uyacacisa ngokufakwa kuka Maswanganyi

Umqeqeshi we-Orlando Pirates, u-Abdeslam Ouaddou, usikhanyisele ngokufakwa kukaPatrick Maswanganyi kumdlalo owandulela owamagqibela kankqoyi weMTN8 neMamelodi Sundowns eTshwane.

IPirates ibethe iSundowns ngo’4-1 kumapenela ukuya kumdlalo wokugqibela weMTN8 isizini yesine ilandelelana, umdlalo uphele ngo’2-2 xa uwonke.

Ezi zigebenga zimbini zidlale kumdlalo ophele ngo’1-1 kumdlalo wokuqala eOrlando, ngaphambi kokufumana amanqaku afanayo eLucas Moripe Stadium ngoMgqibelo.

IBucs ibuyise uMaswanganyi kubadlali abaqale umdlalo emva kokuba le ndedeba eyazalelwa eTembisa ihleli ebhentshini kumdlalo waphakathi evekini iBetway Premiership idlala neStellenbosch FC ekhaya.

Nangona kunjalo, u-‘Tito’, nanjengoko esaziwa ngolo hlobo, uphele nje imizuzu engaphantsi kwe-45 ebaleni njengoko wayekhutshiwe kuBanele Shandu.

Eli nyathelo livumele u-Ouaddou ukuba atyhale indoda eyingozi uKamogelo Sebelebele ngaphambili aze afake uRelebohile Mofokeng kwindawo yeshumi.

Nangona engakwazanga ukwenza umsebenzi wakhe omhle ngempelaveki, umqeqeshi weBucs usabala uMaswanganyi njengomnye wabadlali ababalulekileyo kwiqela.

“Kufuneka sikulumkele oko kuba uPatrick ungomnye wabadlali bethu ababalaseleyo. Ungumdlali ophezulu.

Wenza kakuhle iminyaka emininzi kwiqela. Ndiyakholelwa kuye, “wagxininisa umcebisi wangaphambili we-AS Vita, ethetha kwinkomfa yabezindaba emva komdlalo.

“Ndingumdlali webhola ekhatywayo ohlawulwayo iminyaka eli-17, kwaye andikwazi ukukuxelela ukuba umqeqeshi undikhuphe kangaphi.

FUNDA KWAKHONA :Iinguqu zangempelaveki kwiChiefs

“Ubaluleke kakhulu. Asazi ukuba uza kuba rhoqo kumdlalo wokugqibela, namhlanje ibingelosuku lwakhe. Ibilukhetho lobuchule,” wongeze watsho.

SIFUMANE KUFACEBOOK :Imidlaloyoluntu.facebook.com

Ezi ngxilimbela zaseSoweto kulindeleke ukuba zitshintshele kwimidlalo yeligi njengoko ziza kwamkela i-Orbit College FC e-Orlando Stadium ngoLwesibini (19:30).