UMama Joy ufumana ikhaya elitsha emva kwengxoxo zeRoyal AM

UJoyce Chauke, umlandeli webhola ekhatywayo walapha ekhaya nodume ngelika Mama Joy, ushiyeke enxunguphele emva kokuwa kweRoyal AM.

UJoyce wayekhe wayishiya i-Orlando Pirates, iqela awayelixhase ixesha elide kwaye wayedume ngokungaphoswa ngumdlalo wezi ngxilimbela zaseSoweto.

Kodwa ngethuba uShauwn Mkhize esungula iRoyal AM, uMama Joy wothusa abaninzi “ngokuqhawula umtshato” nePirates ukuze abe ngumlandeli obalaseleyo weqela elitsha.

Kwakukho uchulumanco olukhulu ngelo xesha, kwaye kwakubonakala ngathi iRoyal AM ekugqibeleni iya kuba yeyona nto iphambili kwibhola yasekhaya.

Nangona kunjalo, ngenxa yeengxaki ezibhengezwe kakuhle, ekugqibeleni eli qela lagxothwa kwiPSL, nto leyo eyayiphawula ukuphela kwayo kwibhola yasekhaya.

Ngoku, uMama uJoy uxelele uLisenethini ukuba uzakuqhubeka nokulandela ibhola ekhatywayo, kwaye udize neqela aza kulixhasa njengokuba kusondela isizini entsha.

“Ngendiye nakweliphi na iqela, kodwa ndakhetha ukuxhasa iSiwelele FC,” utshilo uMama Joy kutsha nje.

“Ndiza kuzimasa imidlalo yabo njengomlandeli webhola ekhatywayo okwangoku, hayi kuba ndifuna ukuba phambili kwiqela.”

FUNDA KWAKHONA :U-Elana Meyer wothulel’ umnqwazi uGlenrose Xaba emva kokuphula amaxwebhu

Ukwathe xa ebonakala kwimidlalo yeSiwelele, uzakukhatshwa sisithandwa sakhe, uPapa Joy, awadibana naye eFrance kukhuphiswano lweNdebe yeHlabathi yoMbhoxo.

SIFUMANE KUFACEBOOK :Imidlaloyoluntu.facebook.com

Uthi zibubuxoki iingxelo zokuba bohlukene; UPapa Joy ebekwilizwe lakhe kodwa uzakubuyela eMzantsi Afrika kwinyanga ezayo, emva koko baphinde babonwe esidlangalaleni kunye.