Konke ofanele ukwazile nge MTN8

IPremier Soccer League (PSL) ikhuphe ngokusesikweni ishedyuli yemidlalo yetumente ye MTN8 ka-2025.

Itumente yamaqela asibhozo iya kusungula isizini elindelweyo ka-2025/26 kwaye amaqela asibhozo abaliwe kule midlalo Yale tumente yeMTN8 eMzantsi Afrika.

I- MTN8, enabaphumeleleyo abasibhozo abaphezulu kwisizini edlulileyo yeBetway Premiership, iqalisa ngempelaveki yomhla wesi-2–3 kuAgasti, kule nyanga izayo.

Kwaye imidlalo yomjikelo wokuqala ithembisa intshukumo eyonwabisayo kwasekuqaleni. Intshukumo iqala ngomhla wesibini kuAgasti.

NgoMgqibelo, 2 Agasti:

Orlando Pirates vs Polokwane City
📍 Orlando Stadium
🕒 Ukuqalisa: 3pm

Iintshatsheli ezikhuselayo kwindebe yeMTN8 i-Orlando Pirates zizakudlala nabafana bePolokwane City.

IBhakabhaka liphakamise indebe yeMTN8 iminyaka emithathu ilandelelana phantsi komqeqeshi wabo wangaphambili uJose Riveiro.

Ngoku baza kujonga ukuqhubeka nolawulo lwabo phantsi komphathi omtsha u-Abdeslam Ouaddou.

Sekhukhune United vs TS Galaxy
📍 Kwibala Lemidlalo Elitsha lasePeter Mokaba
🕕 Ukuqalisa: 6pm

Umdlalo obambeneyo ubambene neSekhukhune United ekwindawo yesine idibana neTS Galaxy ekwindawo yesihlanu kumdlalo ekulindeleke ukuba ube ngowobuchule nokonwabisa kubathandi bebhola ekhatywayo.

NgeCawa, 3 Agasti:
IStellenbosch FC vs AmaZulu FC
📍 Ibala lemidlalo laseDHL
🕒 Ukuqalisa: 3pm

• FUNDA KWAKHONA:Owayesakuba ngumgadli we Chiefs ufaka amanqaku kumdlalo eChina

Emva kokungaphumeleli kumdlalo wokugqibela wesizini edlulileyo, iStellenbosch ibuye nempindezelo ezingqondweni zayo, Kwaye sizakubona uba basiphethele ntoni kule tumente.

• SIFUMANE KUFACEBOOK:Imidlalo Yoluntu.facebook.com

Kwangaxeshanye, AmaZulu azakube ejonge unxunguphalo eKapa njengoko ejonge ukuqala isizini ngeminqweno yesilivere.