Umsebenzi uphelile kwabaliqela kwiqela elikwiDstv Premiership
IChippa United ikhuphe intlaninge yabadlali engasayi kubadinga kwisizini ezayo ka’2024/2025, kwiDStv Premiership.
Phakathi kwaba badlali kukho uGoodman Moseley, osuka kwi-Orlando Pirates, noGadinkame Modise osuka kwiMamelodi Sundowns.
UModise zange adlale kwiSundowns oko wasayina kuyo ngo’2018. Ubolekwe kwiJDR Stars, Maritzburg United, M Tigers, All Stars FC kunye neChilli Boys, imbuyisela apho ebebolekwe khona.
Omnye umdlali okhutshwe yiChippa, uLuvuyo Memela, owayedume kwiPirates. Lo mdlali udlale kuMaZulu nakwiRichards Bay FC.
“Sithanda ukubulela aba badlali ngento abayenzele iqela. Bazise ibhongo eMpuma Koloni, sibanqwenelela amathamsanqa apho uya khona,” itshilo ingxelo yeChippa.
“Esi sibhengezo siza nesithembiso sokuba abadlali abatsha bazakubhengezwa kungekudala. Abalandeli bangalindela ukubona abadlali baseMpuma Koloni njengokuba siqhubeleka nokwakha iqela eliqinileyo kwisizini ezayo.”
Naba abadlali abalishumi elinesithandathu abakhutshwe yiChippa: Luvuyo Memela, Roscoe Pieterson, Azola Ntsano, Loydt Kazapua, Siyabonga Nhlapo, Senzo Nkwanyana, Siphelele Luthuli, Darren Johnson, Menzi Ndwandwe, Andile Fakude, Kamohelo Mahlatsi, Diego Apollis, Khanyisile Mayo, Saseko Manona, Yurig Conwood, Andile Mbenyane
Obolekiweyo: uGoodman Moseley noGadinkame Modise.
