Iqela likaPercy Tau i-Ahly liphumelele iChampions League izihlandlo ezibini zilandelana

I-Al Ahly ibethe i-ES Tunis ngempumelelo emxinwa ngo’1-0 kumdlalo wesibini weCAF Champions League obubanjelwe eCairo International Stadium ngoMgqibelo

Uloyiso lukwaphawule intshinga yesibini elandelelanayo yeCAF Champions League kumdlali weBafana Bafana uPercy Tau.

I-Red Devils yandisa imidlalo yabo yeCAF bengabethwanga ukuya kwimidlalo engama-20, ibonisa irekhodi elikhuselayo apho bengengenelwanga manqaku keimidlalo engama-16 bangenelwa ngamanqaku amathathu kuphela.

Baye baqhubeka nokongamela i-ES Tunis, bephumelele imidlalo emine badlala ntanganye kunye umdlalo omnye kwimidlalo yabo emihlanu yokugqibela.

I-Al Ahly ingene kumdlalo wesibini izithembile, emva kokuba ibambene ngo’0-0 kumdlalo wokuqala.

Ukapteni uRami Rabia ufake inqaku kwimizuzu emine kuqale umdlalo, kodwa inqaku liye lanikwa Roger Aholou njengomkhonto ogwaze ekhaya emva kokuphambuka kunizinti waseTunisia u-Amenallah Memmiche.

I-Al Ahly iphantse yafaka inqaku lesibini ngomzuzu we-13 xa u-Emam Ashour ebaleka kakhulu, kodwa ibhola yaphuma ecaleni.

UTau ufumene amathuba amaninzi okufaka amanqaku, ephoswe ngaphakathi ebhokisini ngomzuzu we-19 nowama-29.

I-ES Tunis iye yasokola ukugrogrisa i-Al Ahly kodwa ithemba libe lithe kratya ngomzuzu wamashumi amane anesine ngethuba ikroba eliphantsi ligotywe ngobuchule nguRabia.

Iindwendwe zibonise injongo ethe chatha kwisiqingatha sesibini kodwa azizange ziwufumane nqaku lokulinganisa.

I-Al Ahly izibambe zaqina de waphela umdlalo ukuze iphumelele irekhodi layo le-12 leCAF Champions League.