ICape Town City idunge imibhiyozo yeSundowns
IMamelodi Sundowns ibone iphupha layo lokungabethwa litshabalala emva kokubethwa ngo 1-0 neCape Town City eLoftus ngoMgqibelo.
U-Jaedin Rhodes ufake inqaku ekuphela kwalo mdlalo emva nje kweyure njengoko ngokuqinisekileyo iCitizens iye yayonakalisa imibhiyozo yeqela lasekhaya.
AMasandawana angene kolu khuphiswano ingabethwanga emva kwemidlalo engamashumi amabini anethoba yeligi kwaye ibijonge ukuvala iphulo lokuqala ‘elingenakoyiswa’ kumdlalo ophambili eMzantsi Afrika.
Ixesha lokugqibela eli qela eliqeqeshwa nguMokwena liphulukene nomdlalo weligi ngomhla wesi-2 kuSeptemba ka-2022 xa labethwa ngo’2-1 yiSuperSport United.
Iqela lasekhaya liphoswe ngabadlali abadlala phambili njengoko uMarcelo Allende noSphelele Mkhulise bobabini benqunyanyisiwe kumdlalo wokugqibela.
ICape Town City ibibambene ekuvinceni amazibuko kodwa ibisoloko igrogrisa ukuya phambili kwaye iwufumene umvuzo wayo xa uRhodes eyibeke entloko kwisiqingatha sesibini.
Impumelelo yeCitizens ibangela ukuba abadlali baka-Eric Tinkler bagqibe kwindawo yesihlanu kwiligi, belingana ngamanqaku kodwa bengaphantsi kweSekhukhune United.
Ibiseyisizini ebalaseleyo kwiSundowns noRulani Mokwena njengoko igqibe ngamanqaku angamashumi asixhenxe anesithathu emva kwemidlalo engamashumi amathathu.
