UHlongwane ufumene isikhundla esitsha kwiSAFA
Owayesakuba ngusompempe wePSL kunye neFIFA uVictor ‘The Principal’ Hlungwani uchongwe njengosihlalo omtsha weKomiti yooSompempe eGauteng.
Ukuqinisekiswa kwale ndima kuza kwiiveki nje ezimbalwa emva kokuba uHlungwani, ngoku osele esidla umhlala phantsi noyingcali kwiSABC Sport, ebuyele kulo mdlalo njengokomishinala wezemidlalo.
Emva kweengxoxo zombutho webhola ekhatywayo woMzantsi Afrika [SAFA] ukushukuxa eminye yemicelimngeni ejongene noosompempe, iKomiti yezoNgxamiseko ibone ukuba uHlungwani uyifanele le ndima ngamava akhe onke.
Lo sompempe oneminyaka engama-48 ubudala kulindeleke ukuba aphathe olu xanduva lulandelayo:
Ukongamela uqeqesho nophuhliso loosompempe eGauteng kwi-ABC Motsepe league, SASOL kunye neGauteng Development League [GDL].
Ukuqinisekisa ukuba oosompempe bayawabhala amanqanaba eemviwo, baququzelele izifundo zabavavanyi bomdlalo kunye nabaKomishinala kwiphondo.
Cwangcisa izifundo zoqeqesho lwabahlohli, qinisekisa ukuba oosompempe bafumana uqeqesho olwaneleyo kwiiligi ezahlukeneyo ezidweliswe ngasentla.
Luxanduva lokunyuselwa nokuthotywa koosompempe ngokusekelwe kuvavanyo lwendlela abaqhuba ngayo kwimidlalo yabo.
UHlungwani akayi kuhlawulwa ngalo msebenzi, kodwa uya kuhlawulwa ngokuhamba nokuya kwiintlanganiso neeseshoni ezibalulekileyo kwiphondo laseGauteng.
Xa ecelwa ukuba anike izimvo, uxoxe ngokuvuma kwakhe ukusebenza ethathela ingqalelo ingxaki kunye nokugxekwa ajongene nawo ngoku.
“Kuliwonga kum ukuchongwa kwesi sikhundla apho ndiza kukwazi ukulima umva ndisebenzisa ulwazi namava endiwafumene kule minyaka idlulileyo,” utshilo uHlungwani, ongumhlalutyi wezigqibo zosompempe.
“IGauteng ikhe yavelisa iqela loosompempe abakumgangatho ophezulu kwixesha elidlulileyo kwaye kufuneka siyibuyisele apho ibikhona.
Umsebenzi wam wokuqala ongundoqo kukufumana iyunifomu yoosompempe bethu kwi-ABC Motsepe, SASOL kunye neGDL.
Iligi ye-GDL ikumabonakude kwaye iyunifomu yoosompempe bethu abayinxibileyo ifuna ingqalelo ekhawulezileyo. Sizakucela uncedo kwimpahla yezemidlalo eyahlukeneyo.”
