I-PSL igqibele igobe uphondo yavelana neSundowns
IPremier Soccer League ibhengeze ukuba iwutshintshile umdlalo weKaizer Chiefs weDStv Premiership neMamelodi Sundowns.
Bekulindeleke ukuba umdlalo udlalwe zingama-30 Aphreli kodwa ngoku uzakudlalwa ngoLwesini 2 Meyi,lonto ithetha ukuba iSundowns izakunikwa iintsuku ezintathu zokuphumla.
Oku kwenzelwa ukuba baxinge komnye umdlalo weligi, eLoftus Stadium xa bequbisana neTS Galaxy ngomhla wamashumi amabini anesithoba kuTshazimpuzi.
Umdlalo weGalaxy ngumdlalo ebekumele udlalwe ngomhla weshumi elinesibini kweyeNkanga kulo nyaka uphelileyo, kodwa wamiswa ngenxa yokuba iSundowns ibikhuphisana kwiCaf African Football League, eyathi yaphumelela ngokubetha Wydad.
Ukuthatha inxaxheba kweSundowns kolu khuphiswano, nakwiCaf Champions League – idlala ne-Esperance kumdlalo owandulela owamagqibela kankqoyi, umlenze wesibini ngoLwesihlanu, kubangele ukusilela kwimidlalo yeligi iPSL ezama ukuyivala.
IiBrazillians zisenemidlalo esibhozo yeDStv Premiership ekufuneka ziyidlalile phambi kokuba isizini iphele ekupheleni kukaCanzibe, logama kungekho mntu ushiyekileyo nengaphezu kwemithandathu.
Umdlalo weSundowns weDStv Premiership oza kudlala neTS Galaxy, obuhlelelwe umhla we-6 kuMatshi, nawo ngoku ususiwe. Lo mdlalo uza kudlalwa ngomhla wamashumi amabini anesibhozo kuCanzibe eMbombela Stadium, kwiintsuku ezintathu emva kokuba onke amanye amaqela akwiligi eyigqibile iphulo lawo lePremiership.
ISundowns isasele ikwithuba lokuthatha intshinga yesixhenxe kwiligi yasekhaya, kwaye ngokuqinisekileyo izakube iyigqibe yonke ngexesha lomdlalo.
