UJohnson uthi udlale kakuhle uSithebe

Umqeqeshi oyintloko weKaizer Chiefs, uCavin Johnson, uchaze isizathu sokuba akhethe ukunika uSiyethemba Sithebe  ithuba njengoko ebonakeke okwesibini kule sizini.

USithebe, 31, ebedlale umdlalo omnye kuphela kwiChiefs kule sizini,  nalapho babethwe ngo 2-1 yiMamelodi Sundowns ngo-Agasti.

Kodwa ngenxa yokungabikho kukaYusuf Maart no-Edson Castillo ababenqunyanyisiwe, uJohnson ukhethe ukufaka uSithebe endaweni zabo kumdlalo abadlala ntanganye neCape Town City e-Athlone Stadium ngoMgqibelo.

“Andazi ukuba kutheni edlale umdlalo omnye kuphela,” uphendule watsho uJohnson xa ebuzwa.

“Ndicinga ukuba oko ndilapha ulinde emoyeni, ulinde ukudlala.

“Kwaye namhlanje ufumana ithuba lakhe kwaye kufuneka ndincome indlela aqhube ngayo namhlanje, mhlawumbi uzakudlala imdlalo elishumi elandelayo.

“Ndihlala ndiyithetha le nto, ndiza kuzama ukunika wonke umntu ithuba lokudlala ngoku ndilapha. Kwaye ukuba bayadlala kwaye benza kakuhle, kwaye bayakubonisa ukuba kutheni iqela labathenga ekuqaleni.”

Xa ebuzwa ukuba uSithebe udlale kuphela na ngenxa yokungabikho kukaMaart noCastillo, uJohnson uphendule ngokuntsonkothileyo ukuba uSithebe angenza bahlale esitulweni aba badlali.

“Into yokuba bengafumaneki imnika ithuba kwaye xa ifika loo nto, andazi ukuba uCastillo okanye uMaart bayakuze babuye.

“Udlale kakuhle kwaye kufuneka sibone ukuba sidlala nabani kumdlali olandelayo.”