Amaqela aseMpuma Koloni abethwelwa oogqirha nezicaka zawo kwiSuper League

ICity Lads,Thunderbirds Ladies kwakunye noomakoti i-University of Fort Hare kunzima kubo kwiHollywoodbets Super League njengoko nakule mpelaveki alikho iqela kulamaqela eliphumelele amanqaku amathathu.

ILads zitywatyhushwe kanabomi yi-Tshwane University of Technology (TUT)  4- 1 ngeCawe. IThunderbirds nayo ezibona intyumpantumeka emsileni ingengakuphumeleli mdlalo kwiSuper League. AmaTuks aqhubekile nokulandela emva kweSundowns xa bebetha iThunderbirds ngo 3-1 eSisa Dukashe Stadium. UKanti IFort Hare ibhulelwe amasaka yiJVW ngo 5-1 e-UJ Soweto Campus.

IMamelodi Sundowns Ladies ihleli enkconkcoyini kwiSuper League emva kokuphumelela ibetha kabuhlungu iDurban Ladies ngo 5-1,eLucas Moripe Stadium negCawe.

I-University of Johannesburg (UJ) ibethele kokwayo iTS Galaxy ngo 4-1. UThato Mofolo ufake inqaku elinye ngelixa uGugu Dlamini no-Adrielle Mibe bafake amanqaku kwathi uBusisiwe Ndimeni inqaku ekukuphela kwayo leGalaxy.I-UJ inamanqaku alishumi kwimidlalo emihlanu ngelixa iRockets yehle yaya kwindawo yesixhenxe ngamanqaku alithoba kwimdlalo efanayo.

Komnye umdlalo iCopperbelt Ladies idlale ntanganye 1-1 neRichmond United eMerino Park. Eli qela laseLimpompo lishiyeke lodwa elingekabethwa kwiligi kulesizini kwaye lihleli kwindawo yesine ngamanqaku alithoba ngelixa iRichmond yehlele kwindawo yesithoba ngamanqaku asibhozom

Ezinye iziphumo:

JVW 5-1 University of Fort Hare

TUT Matsatsantsa Ladies 4-1 City Lads

Royal AM 1-1 UWC

Lindelani Ladies 1-4 First Touch Academy

Richmond United 1-1 Copper Belts FC

TS Galaxy Queens 1-4 University of JHB

Thunderbirds Ladies 1-3 University Of Pretoria

Mamelodi Sundowns 5-1 Durban Ladies