ISundowns ayiyekanga ukutyikitya italente entsha
IMamelodi Sundowns Ladies iqinisekise ngokutyikitya umdlali oselula, u-Asanda Hadebe, ophuma kwiqela elidlala kwiSasol League, iSunflower FC, nalapho ebengukapteni.
Lo mdlali onetalente emangalisayo waya wabizwa kwiBanyana Banyana kubadlali abangama-41 elizakudlala imidlalo yeCAF Women’s Olympics Qualifiers.
Lenzalelwana yaseHammarsdale yadlala umdlalo wokuqala kwiqela lesizwe kumlenze wokuqala ngo-2022 kwimidlalo yokuhlungela Africa Cup of Nations neMozambique eneminyaka eyi-16.
UHadebe uba ngumdlali wesithathu kule sizini ukutyikitya neqela laseChlorkop emva kokutyikitywa kukaNthabiseng Majiya noCimone Sauls, nanjengoko iSundowns ithe gqolo etyala imali kubadlali abaselula yaye abanetalente.
