Bagqibele begaleleke bonke abadlali beBafana
Umqeqeshi weBafana Bafana u-Hugo Broos uneqela lakhe elipheleleyo labadlali abasenkampini phambi kokuqala koluhlu lweFIFA emva kokuba abasebenzi ababalaseleyo befikile e-Annaba, e-Algeria, ngoLwesibini ebusuku.
Umqeqeshi wonozinti, uGrant Johnson, ugaleleke kunye neqela leMamelodi Sundowns elikhokelwa ngukapteni uRonwen Williams, kunye noSiyanda Xulu weSupersport United. UJohnson kunye nabadlali abasibhozo bajoyine abanye abadlali beqela labo abafike kwilizwe laseMntla Afrika ngoMvulo ebusuku.
IBafana Bafana izakudlala umdlalo wokuqala weFIFA Series ne-Andorra ngoLwesine, umhla wama-21 kweyoKwindla.
UMzantsi Afrika waphumelele imbasa yobhedu kwiNdebe yeZizwe zase-Afrika (AFCON) njengoko bebuyela e-Algeria ukuya kuqubisana ne-Algeria kumabala eNelson Mandela Stadium e-Algiers ngoLwesibini, 26 Matshi ngaphambi kokubuyela ekhaya ngosuku olulandelayo.
