ISAFA iziphendulele ngezityholo etyatyekwa zona ngooKhetshe
Ugqogqo nokuhlutha olwenziwa ngooKhetshe kwikomkhulu loMbutho weBhola eKhatywayo woMzantsi Afrika (i-SAFA) eNasrec, kumazantsi eRhawuti, ngoLwesihlanu, umhla wesi-8 kweyoKwindla ngowama-2024 ibe lilishwa kwaye ilihlazo kwii-arhente zethu zogcino-mthetho.
OoKhetshe (Hawks) babanga izityholo zobuqhophololo nobusela ezixabisa iR1,3 yezigidi zeerandi. I-SAFA isazi kakuhle isixa kwaye yanelisekile ukuba ibiyeyeenkonzo ezinikezelweyo, ekunokubonelelwa ngazo izivumelwano.
“Sifuna ukuyicacisa kwasekuqaleni ukuba sikholelwa ukuba ugqogqo belungekho mthethweni, lukhohlakele kwaye aluqhutywanga ngokwemigaqo yesigunyaziso esisinikiweyo.”
“Asizange sinikwe onke amaxwebhu amiselwe ngumthetho. Amaxwebhu anikezelwe ngooKhetshe ngexesha logqogqo oluhlazisayo ayengaphelelanga kwaye ayengekho mthethweni. Simi ngelithi yenziwe ngabom nanenjongo ukuze kwenziwe esi senzo sibi,”
“Ngenxa yoku, siyalele amagqwetha ethu ukuba eze nesicelo esingxamisekileyo sokuphonononga kwaye sibekele bucala olu gqogqo nokuhlutha impahla. Siphinde siyalele amagqwetha ethu ukuba eze nesikhalazo esisemthethweni kumlamli wolawulo lweeHawks malunga nesenzo sawo onke amalungu abandakanyekayo,”
“Siza kuphinda sithathe amanyathelo oluntu ngokungcoliswa kwesimilo kwabo babandakanyekayo ekuthiyweni kwegama likaMongameli we-SAFA kuphando oluqhubekayo. Simi ngelithi oku akukho sikweni kwaye akukho mthethweni njengoko amapolisa engazange achaze gama lamntu kwimiba ephantsi kophando.”
“Siyakholelwa, ngelishwa, ukuba la malungu amapolisa athotyelwe phantsi kwaye asetyenziswa ekusetyenzisweni kakubi kwemithombo yombuso. Masiphinde, akukho mali ilahlekileyo kwiSafa.” Itshilo ingxelo yeSAFA
